أركن عقلك وأمشى حافى

          لو لقيت يافطة معلقة مكتوب عليها MP وترجمتها موقف عقول حاول تشوف مكان تركن فيه عقلك ولو لقيت يبقى ها تكون من المحظوظين لأن كل المواقف كاملة العدد … أركن عقلك وأمشى على رجليك ها تستريح وها تشعر وأنت ماشى  أنك آخر روقان لأنك راكن عقلك ومعاه جميع مراكزه من شعور وأحساس وخوف وفرح ونزوات وغيرها من المراكز … صدقنى لن يرتفع ضغطك ولن ينخفض وأن كنت مريض بالسكر ثق تماما بأن سكرك لن يرتفع وأيضا لن ينخفض لن تفارق الأبتسامة شفتيك ستشعر بأن محلق فى دنيا ثانية ، ستتجول فى شوارع مصر المحروسة دون أدنى مشكلة لو قابلك واحد وشتمك أو ضربك أو حتى بصق فى وجهك ستضحك وها تعلى الضحكاية وأمشى وكمل مشوارك ولو حتى جاءت لك طوبة فى رأسك وسال دمك أكتمه بمنديل  وأضحك وعلى أقرب سيارة أسعاف روح وها يقوموا معاك بالواجب، أضحك وأنت بتتغرز، غرزة أتنين ولو حتى عشرة لأنك لن تشعر بأى ألم ، لن تسخط ولن تبكى على حالك ولو حد ثبتك بمطواه قرن غزال ولا حتى مسدس وقال لك هات اللى معاك  طلع اللى فى جيوبك وأنت بتضحك ولو حد قال لك شكلك مش عاجبنى وغزك بسيف ولا ستجة وطلع كرشك وحسيت أنك بتموت أضحك  وكركروأنت بتتشاهد .

خلى شعارك من النهاردة " أركن عقلك وأمشى حافى"

                                                                                عادل إدريس

                                                                            صاحب موقف عقول

                                                                                     وسط البلد

14 تعليق على “أركن عقلك وأمشى حافى”

1. مايا قال:
   ديسمبر 3rd, 2011 at 10:47 ص
   الموضوع حلو اوي عجبني موووووووووووت مشكووور
2. adel قال:
   ديسمبر 3rd, 2011 at 11:27 ص
   أشكرك وبشده وارجو المتابعة
3. SHMS قال:
   يناير 8th, 2012 at 12:32 ص
   مدونه قيمة
   وبوح راقي
   سلمت يداك
   تحياتي واحترامي
   شمس (الشام)
4. adel edris قال:
   يناير 8th, 2012 at 1:00 م
   أشكرك يا شمس على كلماتك وارجو متابعاتنا دائما
5. زهور الريف قال:
   يناير 16th, 2012 at 12:23 م
   ايه الحلاوة دي
   مدونتك جميلة ومنعشة شكرا لك
6. adel edris قال:
   يناير 16th, 2012 at 1:11 م
   شكرا لك من بعض ما عندكم
7. زياد صافي قال:
   يناير 17th, 2012 at 3:51 م
   اللـهم اٍنـا عـبيدُك .. بنوعبيدك ..بنو اٍمائك .. نواصِـينا بيدك .. ماضٍ فـينا حُكمك .. عـدلٌ
   فينا قضاؤك .. نسألك بكلِ اسم هـو لك .. سمّيتَ به نفـسَـك .. أو أنزلتـَهُ في كتابك .. أو
   عـلّمته أحـداً من خلقـِك .. أو استأثرت به في عـِلم الغـيبِ عندك .. أن تجعـل القرآن ربيعَ
   قلوبنا .. ونورَ صدورنا ..وجَلاء حُـزننا .. وذهاب هـمِنا وغـمِنا .
   وصلى الله على سيدنا محمد وعلى آله وصحـبه وسـلم.
8. فاطمة أحمد قال:
   يناير 17th, 2012 at 11:43 م
   للأسف الشديد لقيت الموقف كامل العدد.!
   وأصلاً أصلاً الضغط عالي جاهز..
   وقلبي مكلبش في تلابيب عقلي بإديه وسنانه..
   يعني خنقة ما بعدها خنقة.!
   يعني يا أستاذنا ميئوس مني بعيد
   عن السامعين..!هههههه ضحكتني وانا
   ماليش نفس أأأأأضحك.!!
9. فاطمة أحمد قال:
   يناير 18th, 2012 at 12:01 ص
   موضوع رائع.. وكم السخرية فيهلا تضحك..
   بل تحفز المرارة علي الفقع ..!!
   هههههههه
   تحياتي لقلمك النابض الجميل
10. adel edris قال:
    يناير 18th, 2012 at 10:20 ص
    شكرا للأخ زياد الصافى للدعاء الكريم واللهم آمين يا رب العالمين كم اثلجت قلبى بهذا الدعاء
11. adel edris قال:
    يناير 18th, 2012 at 10:24 ص
    أختنا العزيزة فاطمة أحمد أضحكى ولا تيأسى والف بعد الشر على فقع مرارتك وأشكرك على تعليقك الجميل
12. SAD.HEART قال:
    يناير 18th, 2012 at 10:37 م
    دونة رائعة وتحمل الكثير من السخرية ومانعيشه فى وقتنا الحاضر واتمنى المزيد والتواصل.
13. حنين قال:
    يناير 19th, 2012 at 2:21 ص
    كل ما هنالك إننا بحاجة لجرعة تبلد
    ربما حافظنا على أنفسنا مع كومة أمراض عصرية
    يا أخي …أخبرني شرط قبول ركن العقول ربما نتأهل لنهائيات الركن
    فقط أكد لي بأننا لن نحاسب على ذلك يوم يكون في الحساب عن الأمانات المحمولة و المركونة …!!
14. adel edris قال:
    يناير 19th, 2012 at 9:16 ص
    الاخ سعد … شكرا على متابعتنا وأشكرك أكثر لو تابعتنا دوما
    الى حنين …. شروط قبول ركن العقول كما قلت لابد وأن نكون متبلدون بدرجة بليد جدا … واشكرك على المتابعة

يا سلام سلم العرسة بتتكلم

         آه العرسة بتتكلم واللى مش مصدق يفتح أى قناة فضائية مصرية ويشوف واللى مش غاوى تلفزيون يسمع راديو … سرسعة المذيعات أشبه بصوت العرسة كلهن أنقلبوا الى عرس تسرسع  وكلا بنغمته فهناك سرسعة نهاوند  وسرسعة بياتى وسرسعة سيكا وده تميز جديد وحصرى للمذيعات المصريات … أنا أعرف أن عمليات التجميل تجرى لتصغير أو تكبير أجزاء معينة فى الوجه أو الجسم بالسيلكون أما الجديد  أن السرسعة أصبحت موضة  مصرية وحصرية   الموضوع مش هزار ولا تهييس الموضع فعلا بجد فقد لفت أنتباهى أن هناك مذيعات معروفات بالاسم  كنت أشاهدهن منذ سنة تقريبا يتحدثن بالصوت المعتاد ولكننى لاحظت أنهن يتحدثن فى الآونة الأخيرة بصوت عرساوى فأندهشت وقررت أن أتصل بأحد أصدقائى من الأطباء  وأستفسرت منه عن هذا الموضوع فقال لى أن هناك مرض ظهر مؤخرا يصيب مذيعات التوك شو  المصريات ويصيبهن فى أوتار الحنجرة ويسمى سربوسيا الحنك وترجمتة حشرجة الحنك  وخطورته هو التحول من صوت نسائى ناعم إلى صوت دكر وشرح لى أن العملية تتم بخطوات  فقط تذهب المذيعة للطبيب المختص وتختار نوع السرسعة من كتالوج الصوت وتسجل صوتها العادى وبالكمبيوتر يتم الوصول الى الصوت المطلوب ثم تتم العملية بأن يقوم الطبيب بأستخراج حنجرة المذيعة وصنفرتها  ووضعها فى محلول مركب لمدة ساعة ثم يتم عمل فتحة بسيطة فى الحنجرة يوضع بها  سيكس بلف وجلبة صغيرة  ويربط بالجلبة منظم للصوت  وفى غضون ساعتين تتحول الى عرسة تسرسع وعندما سألته هى العمليات ديه بتتعمل فى أوربا وأمريكا قال لى  بتتعمل بس بالعكس يعنى أحنا فى مصر بنعملها للستات ولكن هناك بتتعمل للرجالة المتحولون …. افتح التلفزيون وأسمع وأتأكد لو مش مصدق.

5 تعليق على “يا سلام سلم العرسة بتتكلم”

1. النهدى كير قال: نوفمبر 29th, 2011 at 12:31 ص
   يمكنك الان ان تتواصل مع طبيب اون لاين مجانا فقط ادخل موقعنا واضغط على طبيب اون لاين
   الطبيب متواجد يوميا من 7 - 10 مساء بتوقيت السعودية
   سبت واثنين واربعاء - اخصائى التجميل و صيدلى خبير
   احد وثلاثاء وخميس - استشارى اطفال http://www.nahdicare.com/
2. شمس المغيب قال: يناير 6th, 2012 at 11:10 م
   ابتسامة …. جميل جدا الطرح الرائع
   والاجمل الاسلوب المميز الجميل
   ورائع مصطلح الصوت العرساوى دا …
   راقت لى كلماتك الرائعة.
   دمت بخير ودام رقى قلمك
   :: خالص تحياتــى :::
   شمس المغيب المصــرية
3. adel edris قال: يناير 7th, 2012 at 12:53 م
   الى الاخت شمس المغيب
   أشكرك على تعليقك الراقى الجميل وأشكرك أكثر لاهتمامك بقراءة ما أكتب
4. زهور الريف قال: فبراير 1st, 2012 at 10:10 م
   السلام عليكم
   معلومات جدا قيمة يعني بالاضافة للشكل كمان الصوت ياساتر
   اتسائل
   الفراعنة حنطوا المصريين القدامى
   طيب القوانين مين حنطها والاشكال اياها ليه مااخدوها مجانا ؟؟؟
   شكرا اخ عادل المبدع
5. adel edris قال: فبراير 2nd, 2012 at 7:28 ص
   زهور الريف … التحنيط أصبح موضة قديمة وتتم للموتى لكن الجديد هو “التحويط “لمن على قيد الحياة ويفضل متحوط لغاية لما يسلم ويقول أنا اللى جبته ده كله لنفسى .
   شكرا على الجوله الحرة التى تقومى بها للمدونة.
   وشكرا على أهتمامك البالغ بكل كلمة وحرف