إعلان

أحدث إصدارات الكاتب عادل إدريس المسلمي لعام 2021 .. الفانتازيا الساخرة (سعيكم مشكور) إصدار دار الراية للنشر والتوزيع .. متواجدة بمعرض القاهرة الدولي للكتاب 2021 وقريبا بمكتبات مصر والدول العربية

السبت، 28 فبراير 2015

دول ناس ودول بردو ناس

في ناس بتصحي الصبح شكلها بيكون كده ...
وفى ناس بتصحي شكلها بيكون كده...
والفرق بين كدة الأولانية وكده التانية فرق شاسع
أقولك ...
كده الأولانيه .. دول ناس بتصحي والابتسامة على وجوههم من رضي الله عليهم.
أما كده التانية .. فحدث ولا حرج تقول لي إزاي؟
أقولك ..
دول ناس بتصحي الصبح دماغهم ملوحة شمال وعلى وجوههم غضب الله .. طول الليل عقولهم شغالة خد وهات مع الشياطين لترتيب أفتتاحية الصباح التى ستنكد بها على خلق الله.

بحبك يا أسمك إيه

قل ما شئت فلم يعد هناك ما نخفيه
قل ......
أضحوكة .. ضحيكة .. نانو ضحكة
وبالتمثيل ههههههه .. هه ..هع
هكذا صرنا بعدما تملك منا الغباء و قام بطرد الذكاء من عقولنا وكأنه كان يؤجر رؤوسنا له بعقد محدد المدة .. لذا فقد أصبحنا فعلا نانو ضحكة .
فها هى الماما أمريكا تطالعنا بتصريح راقص على واحده وربع على لسان وزير ماليتها ( جاك ليو ) بأنه قال موجها حديثة الى أمير قطر :
" بالله عليك يا برنسس تميم بلاش تدعموا الارهارب "
والنبي ( بق ) زى الفل .. مليح وزين فما أروعك يا عم ليو .. شوفوا الحلاوة شوفوا الجمال .. شوفوا الحنكة بالكاتشب والهوت صوص
ومن مين طالع الكلام؟ من وزير مالية أمريكا بذات نفسه وشحمه ودمه يعنى مش من المعلم الكبير الحاج أوبا وده بقي سر القنبلة الذرتية يعنى بلغة السياسة كلام له رجعة يعنى كلام فك مجالس.
عم جاك ليو تصريحه أستكاوى مضمونه " يا برنسس تيمو اللى تحتاجه امريكا يحرم علي الجامع .. وهات فلوسك اللى محيراك نعملك بيها جمعية وتقبضها آخر نفر ".
شوفتوا خيبتنا الملعلعة اللى لبسوها لنا وقالولنا مبروك والنبي لايقه عليكم وورونا كده جمال الخطوة .
لو كانت امريكا وغيرها من بلاد الفرنجة تعلم أن عندنا بواقي ذكاء ما كان هذا الجاك ليو طلع علينا بهذا التصريح ولكن هم يعلمون تماما بأن ذكائنا قد ذهب مع الريح مشوار لغاية جبل الهوءة .. آل إيه عم الريح واخده ها يفرجه على الفروج اللي بيلعب بلياردو.
لذا فأنا أطالب جامعة الدول العربية بعقد إجتماع قمة طاريء وذلك لتجميع مبلغ 10 مليار دولار لشراء ما يكفي من الحق الشرجية والشبح البابوني لكل عربي يعيش على البقعة العربية لتنظيف عوالقنا التي تسد مواسير الاتصال وجعلتنا نعيش فى هذه الحالة الامساكية المستعصية التى طمست مداخل الفهم فأصبحنا نفهم من الوضع المقلوب.
ونسمع سوا ..
اوعى تكلمني بابا جاي ورايا

الأحد، 22 فبراير 2015

أرمي بياضك وقولي حاجة

ما هى حاجة تخلي النافوخ يفوخر وينبعج وينكمش .
إن كنتِ يا شقيقتنا العربية " قطر " مظلومة وليس لك دخل فيما يحدث من تقلبات هستيرية بالقشرة الأرضية فأرمي بياضك وقولي لنا .. أننا لا نري ولا نفهم فقد يكون ما تفعليه هو الصح ونحن جهلاء فى السياسة وتبلدت عقولنا وقد تكوني ملاك ولا نعي ما بداخلك وأنك تملكين سر الإنة المسحور .
قولي حاجة أى حاجة قولي أنك ليس لك دخل فيما يحدث وأنها تشابه أسماء بين قطر ديه وقطر دكهيه.
قولي أنك لست أنت ممن تدعمين الارهاب وأنها هواجس تروادنا .
قولي أنك بريئة براءة الذئب من دم أبن يعقوب وأنك الحمل الوديع.
قولي أنك تدعمين الحريات المكبوتة وتساعدين دوول ودوولا الطيبين على دوكوهما ولاد الشياطين.
طب بلاش تقولي .. لو خجلانه أدينا علامة أو حتى إشارة نفهم منها المراد.
ماهو السكوت زي ما قالوا زمان علامة الرضا.
بصراحة أنا مش مصدق الكلام اللى بيتقال حدانا بالنجع أنك عاوزه تكوني الزعيمة وتضمي كل زمام الناحية اللى حنبك واللي بعد اللي جنبك واللى جنب اللى جنبه ليكي وتتسلطنى ؟.
ومالو ما تضمي وشيلي أنشالله تضمي حتي نيكارجوا وكلالمبور وتبقي سلطانة السلاطين هو حد يكره ولا حد يكره طالما الخير ها يعم على الجميع وها نتشبرأ ونبرطع بطول وعرض السلطانية لا فيسا ولا تؤشيرة ولا كفيل ولا مكفول.
والله ها نبقي أحلى سلطانية فى العالم ونسميها ( السلطانية العمومية العربية الافريقية الفرنجية اللاتينية).
ولو الكلام ده مش صح ....
يعنى ناس بتقول أى كلام وظلماكي يبقى أرمي بياضك وقولي لينا الصوح علشان نفهم يا بوي الحدوته بدل ما أنت سيبانا نضرب أخماس فى أسداس والناتج أن عقلنا مولع بجاز ورأسنا بيتنطط فيها جوز كلاب سعرانه.
أرمي بياضك وطلعي حد من حداكي يقول بصوت عالي أو بلاش صوت عالي وشوشينا وفولي ...
" الكلام ده مغلوط ومش صوح يا جماعة ومالناش دعوه باللي بيوحصل ده" ويا سلاااام بقي لوتطلعي بكلمتين يخلصوا الموضوع وتقولي " طوووووووووز في أمريكا "
ساعتها أنا و كل اللى فى نجع عباطة راح نطلع و نغنيلك
يا قطر المحبة يا روح الروح
من غيرك أحبه يا مداوية لينا الجروح
وأشرب وأسقينى يا ولد عمي أشرب وأسقينى
كاسين عنابي من حبك أدلق وأرويني
وا حسرتاه وا حسرتاه عليك با وطن كان زمااااااان أسمك الوطن العربي دلوقيت بقي أسمك الوطن المشكل وعلى كل لون .
يا أخونا حد يفهمنا اللى بيوحصل ده صوح وإحنا ما بنفهوش ولا أكمن يعنى أتفرنجتوا وبقيتوا ترطنوا فرنجاوي وبقيتوا تقولوا هاي وبنجور ومونا مو .
صخيح اللي قال العلم نووووورن يمكن لما نفهم نسكت ونحط فى بقنا فردة جزمة قديمة ونقول صوح الكلام.
ناولنى با أبني كوز شيح بابوني أعدل دماغي يمكن أفهم ؟
ولو ما فهمتش إنشالله عنى ما فهمت أهى أيام بنعشها وبنقضيها والبركه فيكم وشدوا حيلكم بقي مع عم أبو الربيع العربي .

السبت، 14 فبراير 2015

نكشات صباحية

سألنى أحد الاصدقاء بخبث لينكشنى بعدما زهق من اللف والدوان حولي لكى يعرف مع أى فصيل أنتمى رغم تأكيدى له أكثر من مرة بأننى أتشرف بأنتمائى لقوم " عباطة " وليس لهم أى إنتماء سياسي لإنهم ولدوا وعاشوا على شعار واحد يحفظونه عن ظهر قلب " أمشى جنب الحيطة وأبعد عن الزيطة" .
وكان سؤال صديقي الملح
إيه رأيك فى موضوع التسريبات اللى كل شويه تطلع وتهيج الدنيا؟
وكان هذا الحوار....
قلت له : أنها ظاهره صحية واجبة.
قال لي : يا راااااجل معقوله .. إزاى بقي؟.
فقلت له: نحن شعب نهم فى أكل الكرنب والقرنبيط والقلقاس فحتما لابد وأن يكون هناك تسريبات وكل ينفث حسبما يري طالما نعيش عصر الحرية بلا حدود ومن غيرالمعقول أن نسد أبواق من بسربون وإلا حدث إنتفاخ فى القشرة الأرضية يليها إنفجار ذري بعواقب وخيمة.

سرب على راحتك طالما أنك ها تشعر براحتك

العقل الفلات فوتي

ودع هواك وإنسانى عمر اللى راح ما ها يرجع تانى

فعندما تنقلب تركيبة البشر بأن تكون الدماغ مكان الأرجل فلا تسأل لماذا يأخذنا عقلنا إلي الهاوية ؟.
أصبحنا نفكر بطريقة الفلات فوت نتيجة التشققات فى القشرة العقلية والقشف الذى طمس العقل فلا تتعجب عندما تري بشر لا يعترف بالحب كونه رجس من عمل الشيطان وأن الحنان كفر بين وإن الرحمة ما هى إلا إنتقاص للرجولة والقوة.
فهل كان زماننا هو زمن الجهل والتخلف وأن ما نعيشه الآن هو العودة للفضيلة ؟

فواحسرتاه وااااحسرتاه