إعلان

الآن بجميع مكتبات مصر والوطن العربي --------->>>>> (( أحدث إصدارات الكاتب عادل إدريس المسلمي..... " الزناتي حنيفة -العجب ألوان - مقرمشات ساخرة " عن دار الراية للنشر والتوزيع ))<<<<<------


الأربعاء، 28 يناير 2015

هن رحمة لنا

عندما جفت العلاقة بين نيرون وعشيقته " بوبيه" ضربه الجنون وحرق روما.
وعندما زاغت عيون الملك حبلصة علي كتكوته صغيره جن عقل زوجته حندوسيا وقامت بتفجيره وهو نائم.
فقد ثبت بالدليل القاطع ومما لاشك فيه أن الدفء العاطفي من أهم أسباب ثبات الحالة النفسية للمرأة وعدم شطوح عقلها والأتيان بأفعال وتصرفات غريبة وعجيبة.
فيا معشر الرجال مطلوب شوية حنان مع شوية إهتمام ها تدفا مشاعر النساء وننقذ الكون من الدمار الشامل.

ما هى كلها حمرا

فى ناس لما تحب تعبر عن ما بداخلها أو تقنعك برأيها تلففك حوالين نفسك وتشعرك بأنك من نسل أبو جهل وهما بس اللى بيفهموا وعندهم عقليه أستشعاريه بتجيب عن بعد يعنى مخاوين الجن المصور اللي عارف التايهة.
يخدوك فسحة تشوف فيها عجائب الدنيا العاشرة .. عارف والله إنهم سبعة بس في تلاته مدكنين ما بيطلعوش إلا للغالين " تمثال أبو رجل مسلوخة – كهف سلومه الأقرع – مرحاض أبن أبى الحاذق"
وبعدين لازم يطلعولك بحتة فرنجية لتثبيت فهمك :
" يو أندر ستاند " ؟.
بمناسبة أن أحد الأصدقاء خدنى معاه فسحة أمس قصمت وسطى وده علشان زلة لسان منى عندما قلت له أن " القوطة " هى الطماطم .
هو متمسك ويردد " كلا " وأنا أقول له " أجل ".
أومال لو قلت له أن هى بردو " البندورة " ؟

السبت، 17 يناير 2015

الاثنين، 5 يناير 2015

الدحرجة والكحرتة

ممكن تلاقي واحد عمال يدحرج فيك زي البرميل يعني ماسك ودنك وهات يا كلام وزن عاوز يقنعك بأن أنت مش أنت وبأنك شخص تالت ولما تقوله وليه مش شخص تاني يقولك خلص من شويه لسه واحد واخده.
ظاهرة إقناعك بأي حدث أصبحت منتشرة هذه الأيام فهناك بعض البشر من ذوى الكاريزما وفصاحة اللسان أساتذة فى فن الكحرتة و الكحرتة كما جاءت فى كتـاب (المعجباني فى علم المعاني) هى نخع الكلام بإطلاق اللسان والنخع هو مصطلح يعنى به أنك بتجيب من جوه دماغك وزي ما توديك أمشى وراها فالمتكحرت له الكثير من مريديه تؤمن بأفكاره وتصدق كلامه دون رجعة فيه ولا يناقش فيما يقوله وبأنه لو قال بكره الدنيا ها تبقى إمبارح كله ها يصدق وشيير يا عم الحاج على الفيس وتويتر وخلي الناس تنبسط وتفرح وتزقطط لأن ممكن يكون إمبارح يوم خميس وهو اليوم الذى يحتفل به معظم الرجال بمولد سيدي الجحشي مع أني شخصيا أفضل يوم الثلاثاء كوني أحب الاحتفال بمولد سيدي عباطه. تعا أشب سحب بيفول سيداني