أستدعاه أولاده بعد أن لاحظوا أن والدهم يمر بحالة غريبة جعلته يضحك بصورة مستمرة ولا يتوقف ضحكة إلا بعد أن يغلبه النوم ويتحول ضحكة إلى شخير عالى غريب الصوت لدرجة أن أولاده قاموا بتبطين غرفته بحوائط عازلة بعد شكوى الجيران وبعد أن فرغ الدكتور زغلول أبو هرشة أستاذ ورئيس قسم أمراض الجنان التشعبى من الكشف عليه هز رأسه وسأل :الحاله دية جت له من أمتى ؟ فرد أحد الأولاد من أسبوع بالظبط ثم عاد الدكتور أبوهرشة وسأل : قبل الحالة كان واكل إيه؟ فرد أبنه : كان واكل كشرى فسأله الدكتور كانت الشطة تقيله ولا على خفيف؟ فرد أبنه: أبويا ما بيحبش الشطة بيحب تقلية زيادة، سكت الدكتور أبو هرشة للحظات وبعد أن هرش فى دماغه قال: أبوكم يا أولاد يمر بحالة سيئة ، وبصفتى أستاذ الأساتيذ من عشرين رسالة ماجستير وعشرة دكتوراه ودبلوم صنايع تخصص فك وتركيب الدماغ يؤسفنى أن أقول لكم أن أبوكم عنده عطل فى العقل وده واضح جدا لأن عنده ربعين من عقله ضربوا وفصلوا خلاص يعنى أصبحوا خردة وربع على وشك أنه يفصل يعنى بالعربى بيشحط والربع الرابع فيوز الضحك ملمس مع فيوز العياط وضاغط عليه علشان كده بيضحك بأستمرار أما موضوع الشخير الغريب ده فهذا ناتج طبيعى فى مثل حالة أبوكم نتيجة أن مرشحات وفلاتر العقل تعطلت فأصبحت تخرج ما يدور فى العقل الباطن نتيجة الضغط العصبى أثناء نومه فى صورة شخير بهذا الشكل وبالصوت الغريب وعلاج أبوكم هو أنكم تسيبوه يضحك براحته ولو سكت شوية تزغزغوه بس بالراحة علشان جنبه ما يتعبهوش لغاية لما الضحك يزهق منه ويطفش وها تلاقوه يعيط ويرجع لحالته الطبيعية وأهم شىء ما يكلش لا بدنجان أسود ولا أبيض وياريت يا ريت بلاش يشوف أى حاجة لونها أحمر وأرجوكم أرجوكم بلاش يتفرج على تلفزيون ولا يسمع راديو ومش عايز أوصيكم بالكوارع ولحمة الراس ياكل منها ليل نهار وهاتوله الدوا ده هو صحيح مش هاتلاقوه لأنه ممنوع وغالى نار بس دوروا عليه ولو ما لقتهوش تعالولى.
مسكين الأستاذ حسان كان راجل ميه ميه عايش حياته وسط أولاده وكان أكتر
واحد فرحان بالثورة وبكى على الشهداء لدرجة أنه ورغم قلة دخله قام بذبح جوز
فراخ عتاقى وسلقهم فى حلة كبيرة لزوم كمية الشوربة وعمل عشر صوانى كبيرة
من الفتة ووزع على كل من حضر نسيلة فرخة وكان الحلو مهلبية .
وفى يوم وليلة حصل أللى حصل للأستاذ حسان …. أنا مش عارف ليه!
حد عارف ليه وليش ؟ وعلشان أيه ده حصل وشو عم بيحصل؟
فبراير 10th, 2012 at 7:10 م
أزور مدونتك دوما لما بها من موضوعاتك متنوعة فيها أستزادة للعقل ولا يسعنى إلا أن أدعو لك بالصحة والعافية والاستنارة لما فيه الخير للاسلام والمسلمين
مع تحياتى
عادل إدريس
&&&&&&&&&&
أخي الكريم عادل إدريس
اسعدك الله في الدارين شكرا جزيلا مرورك ومسعاك ونفعنا وإياك بما تسطر اقلامنا وايدينا ونفعنا واياك بما تقرأ وتنهل عقولنا وفكرنا جزيت خيرا على مرورك وتجوالك في حدائقي جمعتك مباركة وتقبل الله طاعاتك وأعمالك ودعائك بهذا اليوم المبارك
أترك لك فنجان قهوة وباقة عطرة من جوار الأقصى الحبيب
تحياتي
سوسنة
بنت المهجر
انين الأرض
ههههههههههه روعة هذا النص واضح أنهم أخطأؤا في عنوان الطبيب شكراً لك لهذا الإبداع
مودتي وتقديري
وفى يوم وليلة حصل أللى حصل للأستاذ حسان …. أنا مش عارف ليه!
حد عارف ليه وليش ؟ وعلشان أيه ده حصل وشو عم بيحصل؟
****************
حصل يلي حصل للأستاذ حسان لآنه أخطا في دبح الفراخ وعرف مدى غلطته بعد فوات الأوان .. لأنه كان لا زم يدبح جميع حكامنا الأوغاد الفاسدين السفاحين
مصاصين الدماء ..قراصنة العقول والفكر والحرية
لآنه كان لازم يدبح السفاح بشار الأسد قبل الفراخ
حس بغلطته أنه ظلم الفراخ ..!!!
تحياتي لك استاذ عادل
سوسنة
أشكرك على تعليقك أنهم فعلا أخطأوا فى هذا الدكتور زغلول أبو هرشة.
تحياتى وبارك الله فيكى
تعليقك جميل جدا جدا ومن عقل واع ومدرك للحدث.
أما بخصوص هذا البتار المستأسد فلشعب سوريا الصبر فأن بعد العسر يسر ولسوف نراه قريبا يجرى عريان ويقول “أنا اللى جبته ده كله لنفسى ” ويومها سنضحك جميعنا عليه ولن يرحمه طفل قبل كهل سيرمى بالحجارة من كل فج بسوريتنا الشقيقة .
اللهم أفزعة فى نومه حتى لا يهنأ بنومه أبدا
تحياتى أختنا سوستة
استاذ عادل الفاضل
مدونتك جميله ومنعشه مع كوب القهوة في الصباح
وتساعد على الراحة باقي اليوم
حلوه قصة عمنا حسان ربنا يساعدو ويلاقي دكتور بحق
ولو انو بحالتو دي مرتاح اكتر من وجع ………..
شكرا لك دوما وربي يعطيك العافية
حتى أستحسن ما أكتب أنتظر تعليقك :
أما بخصوص ن مدونتى منعشة مع كوب القهوة فى الصباح فهذا يجعلنى أفكر فى تصنيع كوب أو مج أهديه الى كل أصدقائى مكتوب عليه ” نعنش نفسك مع أستبوليا كافيه”
ما رأيكم فى هذه الفكرة.
أما بخصوص عم حسان فربنا معاه وعلى رأيك هو كده مرتاح
تحياتى ولكم تحياتنا.
هو حلو ومسبك بس تقيل شويه على المخ والمعدة
واكيد المسكين عم حسان بعد ماملاها على الاخر شاف وش احدهم او سمع صوته على الشاشة ياساتر يارب
اتفاعلت مع الاكل فضربت في نافوخو ومن يومها عينك ماتشوف الا النور وصحتو صارت في النازل
ربنا يشفيه .
اما كتاباتك ماشاء الله قمة في الجمال والروعة والحلاوة
ممكن اسألك يعني ايه استبوليا ؟؟
الفكرة اللي قلتها حلوة لاني بموت في القهوة
امريكي عربي فرنسي هندي حتى ..
اشكرك اخ عادل واعتذر على الاطالة
فعلا أنا محتار فى أمر الأستاذ حسان هل من الكشرى وتفاعل مع وش واحد حنجورى ولا من اللى شايفه ليل نهار .وحلوه أوى ” عينك ما تشوف إلا النور”.
أما بخصوص كلمة أستبوليا … فأنا دائما ومن زمان أحب الأسماء التى أألفها من دماغى كما تقرأين فى موضوعاتى وحتى فى مجموعاتى القصصية التى حجبت ولم تطلع للنور بعد للأسف الشديد كل الشخصيات ذات أسماء غريبة ومضحكة لأننى وفى أعتقادى أن الأسم يعلق فى النافوخ وترى هذه الأسماء معلقة على أشخاص تعرفينهم أو يمروا أمامك فى الشارع أو سوبر ماركت وغيره وعندما قررت أن أعمل مدونة أتكلم فيها مع نفسى ولم أكن أعتقد أن هناك أشخاص سوف يعجبون بها لأننى كنت أعتقد أننى سوف أكتب وأقرأ فى آن واحد وفكرت ماذا أسمى هذه المدونةوخاصة أننى أريد أسم غريب لا يوجد على مستوى كافة المدونات ويكون أسم دمه خفيف ويلمس مع الناس وأثناء بحثى عن دواء غير متوافر أسمه ستوباليين ودخت السبع دوخات حتى وجدته فضرب الأسم فى النافوخ وعدلت فيه وأصبح أستبوليا وأضفت كافيه وعلى فكرة هذا الأسم يقارب للمقهاى اليونانية التى كانت موجودة فى مصر زمان …. هذا سبق تدوينى لكم
قام الرجل فصل شحن والشبكه سقطت وطلبوا تغير الآرقام اصله كان معاه محمول صيني ولازم يتغير
الله يستر عليك ياعم حسان
تحياتي استاذنا عادل بك ادريس
المسحراتي
وليه لأ أتخض من الشعب وفصل شحن.
والنبى تدعى له ربنا يشفيه ويصلب طوله الراجل لسه بيضحك وشخيره طالع لبره.
اشكرك يا ابو السحر على تفضلكم بزيارتنا
تحياتى
ربي يعطيك طولة البال على اسئلتي
أسئلى وأنا تحت أمرك وبالى طويل من عندكم لحد هنا
أنا بوف اللي حصل سببه اللي قابع على صدره من هم وغم وأذى من اللي بيشووفو عالتلفزيون وعمل تلبك معوي شديد .وضرب على نافوخو وتعطلت الفيوزات ونص الشعب أظن زيو كدة .. عشان الوضع عايز مشفى مجنين
…
قصه لذيذة الله يسلم ايديك
تحياتي
سعدت جدا لمرورك على مدونتى
كلامك ممكن يكون صح الراجل تعب ومش قادر يبطل ضحك وجاله جنان ومستنين أنه يعيط علشان يخف
تحياتى ونأمل دوام المتابعة
فلينظر كل واحد أين يضع قلمه !!
مدونة مشرقة .. دمت بخير،،
أبو ياسر ،،
عن أبي موسى الأشعري – رضي الله عنه – قال : قال رسول اللهr :
« مثلي ومثل ما بعثني الله به ، كمثل رجل أتى قومه فقال : يا قوم إني رأيت الجيش بعيني ، وإني أنا النذير العريان ، فالنجاء. فأطاعه طائفة من قومه ، فأدلجوا ، فانطلقوا على مهلهم فنجوا. وكذبته طائفة فصبحهم الجيش ، فأهلكهم واجتاحهم فذلك مثل من أطاعني فاتبع ما جئت به. ومثل من عصاني وكذب ما جئت به من الحق » (رواه البخاري([1]) ومسلم([2]) ).
بارك الله فيك ومتعك بنعمته
تحياتى
اسلوبك الساخر هذا دائما يذكرنى
بكاتبنا الكبير دانتى الليجرى
اتمنى ان اراك مثله فى يوم من الايام ، فأنت تحمل نفس الملكة النقدية
وفقك الله لما فيه الخير
شبهتيننى بالكاتب الكبير دانتى الليجيرى وهذا فى حد ذاته شرف كبير لى.
أشكرك على كلماتك الرقيقة التى تدفعنى بشدة لمواصلة الكتابة
تحياتى لكم وأتمنى دوام المتابعة
كلامك وسام على صدرى فأشكرك على هذا الكلام الرائع ودعواتك المستجابة بأذن الله
لك تحياتى على زيارتك الدائمة لنا بمدونتنا المتواضعة
حد عارف ليه وليش ؟ وعلشان أيه ده حصل وشو عم بيحصل؟
و مهما طال الليل اكيد بكرة راح يجي نهار جميل و مهما طال الالم لازم بكره حيكون احلى على مصر و الامة العربية
تقبل مروري البسيط و كل التحية و المحبة لمصر الشقيقة..
أشكر لك مرورك الكريم بمدونتى
وتعليقك المقتضب وأختيارك شطر من نهاية موضوعى به الكثير من علامات التعجب
تحياتى
أشكر لك مرورك على مدونتى وأشكر لك دعاءك الكريم لمصر والأمة الأسلامية والعربية
وبارك الله فيكى
وتحياتى
الاستاذ حسان انصدم لانه ذبح الفراخ بتاعته وبدت تجيه في منامه وتذكره بانه لن يحصل على احلامه ويحقق امانيه .
دمت بود وخير
نعم صح كلامك ذبح فرخته وظن أنه سيحقق أحلامه ولكن ضاعت سدى
تحياتى وأشكر لكم مرورك الكريم على المدونة
شكرا مرورك يا عم ميل على مدونتنا وأشكركم على تعلقكم المتميز والذى أسعدنى
تحياتى لكم وتابعونا دائما
ممكن برضه نسأله ….
تحياتى لزيارتكم وتعليقكم الثاقب