زيطة
ولمه وزعيق وصراخ وعويل وشد وجذب وضرب وكر وفر، كوكتيل صباحى على الريق
وبعد جهد مضنى أقتربت لأستطلع الأمر فسألت أحد الواقفين أمامى مستفسرا عما
يحدث فألتفت إلىَ وقال: الحدوتة إن دوول اللى ماسكين الشوم بيتخانقوا مع
دوولا اللى ماسكين السنج و دوكهوما اللى ماسكين السيوف جايين علشان يحلوا
المشكلة اللى بين دوول ودوولا ولا دوول عايزين يتصلحوا ولا دوولا راضين
يتصلحوا راح دوكهوما الله يكرمهم حلفوا طلاق تلاتة لو العيال دوول ولا
العيال دوولا ما خلصوش الموضوع وكل واحد راح فى حال سبيله ها يضربوا دوول
ودوولا، ثم صمت وقال فهمت الحدوتة يا با اللى عاملينها على الصبح شوية
العيال دوول ودوولا هزيت رأسى وقلت له آه فهمت وتركت المكان وأنا
مبلم تبليمة اللى واكل طبق فول كبير بالزيت الحار بلوازمة من خمسة عيش
وفحلين بصل وقرنين فلفل حراق وشوية طرشى فأصطدمت بأحد الأشخاص الذى كان
يهرول مسرعا تجاه موقع الحدث فقال لى: أنت جاى من هناك؟ فقلت له أيوه
فسألنى فى إيه هناك ؟ فقلت له أبدا خناقة بين دوول ودوولا فقال لى
و دوكوهما موجودين فقلت له آه موجودين فقال الحمد لله أنهم موجودين وإلا
دوول كانوا ها يقطعوا دوولا فقلت له ممكن أعرف من حضرتك مين دوول ومين
دوولا ومين دوكهوما فنظر إلىَ من تحت لفوق ومن فوق لتحت وضرب كفا بكف ثم
كشر تكشيرة أبو لهب وقال لى هو أنت مش من هنا يا عم الحاج ولا
إييييييييييه؟! فقلت له لأ أنا من هناك فهز رأسه قائلا آآآآآه علشان كده مش فاهم .
الاشتراك في:
تعليقات الرسالة (Atom)
حقا هذه هى خناقات المصريين ، لا تعلم فيها البداية
ولا تستطيع ان تتعرف على الاطراف ، فالجميع يتزاحم ليعرف ، ولالكن لا احد يفهم
دمت بخير وود
وصف جميل للخناقات المصرية
شكرا لك اخ عادل المبدع
شكرا لكى … لقد اعطيتينى لقبا كبير أعتز به ودائما ما تدفعينى للأمام بتعليقاتك الرائعة.
تحياتى لكم ودمتم لى
وتحياتى
شكرا على ضحتك العالية
وأشكرك على زيارتكم للمدونة
أشكرك على مداومة زيارتنا وهذا فخروأعتزاز لى
أما بخصوص المراسل فكان مستخبى ورا دوكهوما ومش باين!
تحياتى
بارك الله فيكى ومادمت قد أدخلت السرور فى وقت نحن فيه فى أشد الحاجة له فأكون قد وفقت فى إزاحة بعض من المرارة التى تلازمنا ليل نهار
أشكرك يا أختنا ونشكركم على دوام متابعتنا
تحياتى
مساءك كزهر اللوز واجمل
انا عرفت الموضوع ده امبارح بس معرفتش ادخل علشان الخط عندي ماكانش بيعلق وحبيت اتدخل فقمت مشيت جري عند دكان الخاله فهيمه حماة احمد سعيد علشان اجيب وصلين امانه ونقعد الناس دووول ودكهوما قبل الموضوع مايكبر وكل حي ياخد حقه ماهو ده واجبنا برده امال احنا كبار الحته ازاي مش لازم يكون لنا دور في فض المشاكل دي
الوصولات ف جيبي ومفيش ناقص غير توقيعهم ونتفق على ميعاد القعده العرفي وحتكون في بيت الحاج ازد احمد بعد صلاة الجمعه الجايه والغلطان حيدفع واجب الضيافه ادبن له ويتربى في وسط الخلق
*********
تحياتي لك استاذي عادل ادريس المبدع
المسحراتي
ربنا معاك على دوول ودوولا وتحل المشكلة وينوبك ثواب وما تعملش زى دوكهوما اللى وقفوا يتفرجوا وخلاص .
وسلم لى على الحاج إزد أحمد .
تحياتى يا أبو السحر
ولا دوكوهما شافوا شغلهم
كأني في رواية لنجيب محفوظ …
العفو وبارك الله فيك
وفقا لآخر التقارير الواردة مازال دوول ودوولا متجمهرين ولازال دوكوهما رافعين السيوف .
أشكرك على دوام متابعتنا
تحياتى يا أختنا الكريمة
هل اكل زيادة عن حاجته فنام هناك يتسائل احدهم ؟
هل ناله الاذى جراء وجوده بين الطرفين يضيف اخر؟؟
هذا واكثر يجيبنا عليه المكرم عادل ادريس
فابقوا معنا
فيصل القاسم الجزييييرة
عدنا بعد الفاصل
نعم صح لسانك أخت زهور أنها أسئلة جاءت فى محلها بالنسبة لمراسلنا سعد مايك فمازال معطوب ولا تصلنا منه أى رسائل ويعتقد أنه مزنوق بين الأطراف أما مسألة أنه نال الأذى من وجوده بين الأطراف … نعم أكيد قد يكون وأعتقد لا يكون ولكن بالأحرى أكيد ومش أكيد.
كاميرا زووم على فيصل..
شكرا ولكن هللللل لازال دوكوهما مع دوول ودوولا وهللللل دوولا لا يوافقون على الصلح مع دوول … أبقوا معنا.
عدنا بعد الفاصل
نتيجة الاستبيان
دوكهوما خرجو من المولد بدون حمص
دول ودولا خلصوا على بعض وريحونا
حتى نلقاكم
الى اللقاء في حارة تانية
سلم القلم استاذ عادل
تحيتي
ملحوظة
اصتدمت=اصطدمت
شكرك لكم مروركم الكريم على المدونة وأشكركم أكثر على تعليقكم على الموضوع .
ونشكركم على الملاحظة وتم التصحيح
وفي الأخير المحصلة هي : دول + دولا + دوكهوما
=
ذلين : القريب ذلاك : للبعيد ذولي : في النصف !
..
أخي [ عادل إدريس ]
رائع
بورك فيك و وفقك ربي
..
نعم كل المسارات تؤدى إلى روما
سأضيف تعريفك لقاموسى وأنا أعرف أن هذه المفردات من اللهجة البحرينية .
أشكرك على زيارتكم للمدونة وتعلقكم خفيف الظل
شكرا لكم
ومن يستطيع ان يقول لمن يتبع اي من (دوول و ودوولا و دوكهوما)فكل واحد من اي منهم قد يكون من أي منهم وانسل بينهم ليثير الفتنه بينهم ولو بحثت عن اصل الحكاية لما وجدت لها بداية ……….
دمت بكل ود وخير
نعم قرائتك للموضوع أظهرت أن إثارة الفتنة تؤدى إلى الجحيم بين الناس
تحياتى
من أسوأ أنواع المُعاملات تلكَ التي تنبني على “شرط” .. حتى إذا وصلتْ إلى النهاية ؛ سُحِبَ الشرط , فوقعت المُعاملة !
والخطأ الاكبر مجتمع الفقر
فالفقر يتحدى كل فضيلة
نشكركم مروركم على المدونة وكم أنا سعيد على تعليقكم الراقى
تحياتى ودمتم لنا ونتمنى دوام المتابعة
كانوا زمان يقولوا ماينوب المخلص الا تقطيع هدومه أما دوكهوما بقا اللي دخلوا يخلصوا ماشاء الله عليهم مارديوش يدخلوا بأقل من السيوف ولا يمشوا منغير بصمة منهم وعلامة جودة
والكل دول ودولا ودوكهوما ربنا يقويهم ويديهم الصحة ويزيد من ابداعاتهم مشرفنا ورافعين راسنا
وآدي الخناقات اللي تشرح القلب والا بلاش
طب والنعمة دي نزهة تقف تتفرج كده وانت مسبَهِل
ضحكتك واضحة ونابعة من القلب
تخيلى الواحد يقف يتفرج وهو فاتح بقه ومبتسم وآخر أستهبال من اللى يهبل
تحياتى