إعلان

الآن بجميع مكتبات مصر والوطن العربي --------->>>>> (( أحدث إصدارات الكاتب عادل إدريس المسلمي..... " الزناتي حنيفة -العجب ألوان - مقرمشات ساخرة " عن دار الراية للنشر والتوزيع ))<<<<<------


الأربعاء، 10 ديسمبر، 2014

الديك بينونو و القطة بتأدن كوكو

الناس دوول جايين يطبلوا في المطبل.
والناس دوولا جايبن يبيعوا الميه فى حارة السقايين.
أي والله زمبئولك كده
عندما تم شطرنا مع سبق الإصرار والترصد إبان هوجة عم ربيع العربي إلي شطائر محشوة باللحمة المشرومة فأصبح كل شطر فاكر نفسه أنه هو الوحيد اللي دماغه هي بس اللي بتشع الأفكار الجهنمية والكل تناسي أننا رغم كل هذا الإجهاض والنخورة فى بنيتنا التحتية لازالنا نحتفظ بذكائنا الفطري.
لذا فحرب الكلام المتهيجة على القنوات الفضائية وعلى صفحات التواصل الاجتماعي لكل هذه الشطائر ما هي إلا طلقات فشنك لا تصل لمستوي طلقة تخرج من مؤخرة طفل صغير لازال يحبو عندما عطس.
فكلنا نقرأ ونشاهد ونضحك عندما نري عم أبو الفتاكة رايح يبيع المية فى حارة السقايين وفاكر نفسه أنه أبو الحنفية اللي بتنزل ميه معدنية ولا عم أبو الفهلوة رايح يطبل فى المطبل وفاكر نفسه أنه أبو الدربوكه وها يرقص الكل على واحده وربع.
فعم أبو الفتاكة ياخدك مشوار ويلف بيك من شبرا لحلوان عشان يفهمك أن الميه مبلولة ميه .
وعم أبو الفهلوة يفسحك رحلة سفاري جوه الصحرا علشان يقولك فى ودنك سر خطير بأن القطة بتنونو والديك بيأدن .. كوكو في الفجرية ؛ طب إيه رأيك بقي كان عندنا زمان ديك أسمه سنقر ما بيفرقش معاه فجرية ولا ضهرية شغال على طول كوكوه ولما سألته مره:
إيه يا عم سنقر الديوك كلها بتأدن فى الفجرية أشمعنى أنت شغال على طول فضحك وقال لي:
وده بردو سؤال تسأله ؟ مش عيب عليك هو أنا بأدن ليكم أنتم بس أنا عامل حسابي لفروق التوقيت.
عاوز تعبر عن ما بداخلك صح ما تلفش وتدور وتتنحنح وتحزق وتطلعي بحتة فوتو شوب ولا حتة " فوتو علينا بكره " يعني قول كلام يدخل الدماغ ويعشش في النافوخ ويشغل الفهامة علشان نقولك الله عليك يا حبيب والديك.
آل إيه ... الميه مبلوله ميه.

وتعا اشب شاي معانا بالنعنع