اوكرانيا وقعت يا رجاله

أوكرانيا خلاص بح فقد طالتها الفوضى الحراقة.
وارى نفس والصور والتنطيط والتهليل والهتافات بميدان الاستقلال بس بالاوكرانى
" عايزين إيش و هوريا و كراموه " ... "إرهل ... إرهل "
" مس ها نمسى هو يمسى "
ولكن عندما ضربتنا هذه الفوضى كعرب كانت تحت مسمى الربيع العربى
فما هو المسمى المستعار الذي سيغلف هذه الفوضى بأوكرانيا هل
سيكون بمسمى Spring European أى الربيع الاورو بى .
أحد الخبثاء همس بأذنى قائلا :
- الملعوب ده وراءه الحاج أوباما .
- يا رااااااجل وإيه أستفادته من ذلك طيب عندنا كعرب قامت علشان بيحبنا موووت؟.
فضحك وقال لى :
- واضح أن بعييييييييد عن السياسة .
- طيب فهمنى يا أبو السياسة.
- الحاج أوباما دماغة لاسعة وهو وحبيبة الشيخ أردوغان عاملين مشروع أستثمارى بعد ما يخرجوا على المعاش .
- معقوله وإيه هو بقى المشروع ده.
- كلام في سرك ها يعملوا شركة أسمها ( أوبا وأردوغا أخوان ) شركة عالمية متخصصة في إنشاء الخلافة الاسلامية ؛ أصل الحاج أوبا ناوى بعد ما يخلص مدته ها يرجع مسلم تانى وها يكون هو السلطان والشيخ أردوغا ها يكون كبير الولاة.
- الله الله و ومال أوكرانيا والخلافة الاسلامية؟.
- مش قلتلك انك بعيد عن الفهم السياسى؟.
- يا عم قول وفهمنى ينوبك ثواب.
- أمال ها يجيبوا الجوارى الحسان منين يا عم الحاج.
- لا لا ما أظنش ما الجوارى الحسان موجودات في تركيا .
- مش أى أى ولا زى زى بتوع تركيا راحت عليهم الواد (مهند) خلص عليهم ها يغنوا بس " أمان يا للى أمان " .