وحشتينى يا زينة البنــات شوفى كـــــام من الأيام فاتت
بتهفي عليا يا روح الروح هففان الحلق العشطان للميه
القلب عم يمغص والعقل بقى شاتت والغيبة كده طالـــت
طب كلمة تجيلي في ورقه صغيره أو مرسال يمــر عليا
إيه خبر إيه ما ييجيش على بالك مره فـ ليله خيالــــــي
و لا اكمنى السكة طويله ما بتوصلش ليكـى الصـــــورة
آه لو أعرف فين أنا أجيلك كنت ركبت و جيت طوالــــــي
راح الصبر و الصبــــار الخلــق عليه واقفين بالكــومه
وأدينا قاعدين تحت الجميزة لما نشوف أخرتها إيه معاكى .
ناولنى يا ولد عود قصب خلينى أطرى على جلبى
من وريقات ( الحب تحت الجميزة )
