لساكى زعطانى والهجر تاعبنــى بليله
العين طفسه جرتنــــى جـر لبصه بريئة
وده كله م البت هنادى مشيالى كده تتقصع
خلتنـــــى أروح بعيونى نحيتها كده واتسربع
اتاريكى واقفه وشايفانــى ودماغك بتفكر ليا
يخرب عقلك سهتانة وأنا فاكرك بت غبيــة
أنا قلت الحق عليا وسمـاح بقى يا رودينه
أنا عقلى ساعات عا يخربط وعا يلعب بيه
و خلاص غلطان ويا بخت من بدا بالصفـــا
وبلاش تتمسكى و تزرجنى كده بالجفــــــــا
راح أجبلك شبشب أحمر كعب عالى بفيونكة
وشـــال قطيفة ملعلع راح ياكل منـــك حتــة
وإزازة ريحة م اللي ريحتها ترد الــــــــروح
ده انتى حياتــى و من غيرك فين أنا أروح
أنا جايلك يا حبيبة ندمان و طالب منك الرضـــا
وخلى ليالى العشق تعود بالذي كان ومضـــــي
قلتى إيه يا ست الستات؟
نيجى ونخبط ع الباب وتقولى خش يا سعدون
ولا أخلينى قاعد تحت الجميزة نمص قصب
من وريقاتى ( الحب تحت الجميزة )
